Засгийн газар өнгөрсөн онд иргэдээс 1458 санал, өргөдөл, гомдол хүлээн авч 1252-ыг нь холбогдох байгууллагуудаар шийдвэрлүүлэхээр хүргүүлж, 206-г нь судалж байна. Иргэдээс ирүүлсэн санал 2010 онтой харьцуулахад 48.7 хувиар, хүсэлт 12.7 хувиар буурч, гомдол 6.2 хувиар өсчээ.

2011 онд манай улс 36-н сая толгой мал тоолууллаа. Нийт мал сүргийн бараг тал хувийг ямаа эзэлж байна.

Хуулиар тогтоосон хугацаанд төлөөгүй болон татварын алба, татварын улсын байцаагчийн буруугаар татвар төлөгчөөс үндэслэлгүй, илүү хураасан татварт тооцох алдангийн хэмжээг хоног тутамд 0.047 хувь байхаар тогтоож, энэ оны нэгдүгээр сарын 01-ний өдрөөс эхлэн дагаж мөрдөхөөр боллоо.

 Д.Сугарыг Төрийн өмчийн хорооны даргын үүрэгт ажлаас нь чөлөөллөө.

Нийслэлийн агаарын бохирдол маш аюултай түвшинд хүрсэн тухай Агаарын чанарын албанаас мэдээллээ.

Сүүлийн жилүүдэд ургийн гажиг төрөлт 11 хувиар нэмэгджээ.

“УБ даатгал” ХХК-ийн нэрийг “Монре даатгал”ХХК болгон өөрчиллөө

“100 мянган айлын орон сууц хөтөлбөр”-ийн хүрээнд анх удаагаа, 50 ам.метр талбай бүхий орон сууц худалдан авах иргэдэд энэ жилээс 6 хувийн зээл өгөхөөр төлөвлөсөн. Ингэхдээ зөвхөн төрийн албан хаагч гэсэн ангилал зааг гаргахгүй, бүх иргэнээ хамруулна. Шаардагдах хөрөнгийг “Хөгжлийн банк” болон бусад эх үүсвэрээс санхүүжүүлнэ.

Өнгөрсөн онд энэ  Оюутолгой төслийн хүрээнд 90 хүн бэлтгэсний 60 нь ажилтай болжээ. Гэхдээ Оюутолгой компани 6 хүнийг л ажилд авсан байна.

2012 оныг БОАЖЯ-наас "Агаарын бохирдол, орчны доройтолтой тэмцэх жил" болгон зарлалаа.